تذكرتك وانا اللي ما نسيتك يوم
وضاقت كل فجوه والفضا راهي
نديمي من عرفتك ما هنالي نوم
وانا من قبل اعرفك بالزمن لاهي
طفل كانت حياته تبتسم له دوم
كبر شاف الحزن في ثوبه الزاهي
أخبّي لوعتي ما كنّي المهموم
لك الله والمواجع ياهي وياهي
كثيره ضيقتي يا صدري المزحوم
قليله فرحتي يا حظّي الساهي
على شانك تحمّلت الأسى واللوم
دخيلك لا يغرّك حسنك الباهي
سهرتك ليل أضوي له قمر ونجوم
لقيتك فرحة ٍ ذابت من شفاهي
تعبت ارسم اماني زايفه وحلوم
على قربك واحس البعد متباهي
تعبت ازّرعك فيني نرجس ويشموم
تعبت اجني همومك والصبر فاهي
تعبت وخافقي بإقفايتك مقسوم
وضيقة خاطري شفّها على ماهي
0 التعليقات:
إرسال تعليق