ان غبت لا تسأليني وين هالغيبه

ان غبت لا تسأليني وين هالغيبه
ضميتك اشواق يالهفة مشاريبه
لما طلبتي الغلا جيتك مهلي به
غمضت عيني عن الفرق وعذاريبه
زدتي بهجرك عنا قلبي وتعذيبه
جيتك وقلبي نهر عفوية وطيبه
عزفت طاروق بوحي لأجلك تهني به
واهديتك القلب واشوفك تسلي به
فكري اسيرك وفا يا وين تغدي به
يا نشوة الحب يا لذة مطاليبه
الروح تأمر على فكري وتسري به
اسكنتك الجوف وحليتي مضاريبه
باودعك والألم جوّد مخاليبه
بالأمس قلبك بريئ والحب يندي به
وبالأمس نبعي سقاك الشهد تروي به
روحي وقلبي وفاه اليوم مالي به