نوف الغلا وحب الخفوق والا الغلا كله لنـــــوف
وكل الجمال اللي أشوف يخالط الحشمه دلال
لا يابعد ذيك العيون الناعسات اللي تشـــــوف
أنا رهن لرموشها ماشفت من مثله جــــــمال
غير الغلا آمر على كل الذي فيني شـــــغوف
من هيبتك يامطمعي ابشبعك كلي وصــــال
ياصاحبي لا تستحي أنت حبيبي بالألــــــوف
أنطق ولو كلمه ترى ابحتري منك المقـــــال
لو تجمعون اللي مضى من حبي العذري بجوف
مايستوي قدر أنمله من حبها اللي بي مطال
ياجامعه رقه وحنان من هو يشابهك بوصـوف
يامستحيل يماثلك حتى ولو هو بالخيـــــال
كل المشاعر هايمه وكل الغلا فيني يطــوف
على الحنايا الضاميه اللي تملّكها بعـــــدال
كل الغلا كل الغلا كل الغلا كله لنــــــــوف
مهما اوصّف حبها أعيشها بجوفي أبتهـال
تم لصقها من <http://faiofah.arab-nic.net/vb/showthread.php?t=133>
لقطة الشاشة المأخوذة: 29/01/1431; 04:06 م
1 التعليقات:
الله من قلـب(ن) مولـع وملهـوف.... صابر على جور الزمـان وصروفـه
بين الأمل واليأس والسمع والشوف.... والحـظ ولا حـظ طـول وقـوفـه
والحل والترحال والأمـن والخـوف.... اعزف على أوتار الحيـاة امعزوفـه
يالعنبو حظ(ن) حداني علـى نـوف.... ويازين حظه من غدت نوف نوفـه
عن وصلكم يابنت حدتني اظـروف.... وعزي لمن مثلـي تحـده ظروفـه
وماحدني خشيه من ارماح وسيوف.... والمـال مـن قلـه وكثـرة الوفـه
ماحدني غير أني انسـان معـروف.... أفخر بربعـي والرجـال امعروفـه
اهل الوفاء الي فيهم الطيب مألـوف....
وأكرم من الله شرفه فـي ضيوفـه
لولا اختلاف اسلوم وطبوع ووصوف.... مايأخذك غيـري وعينـي تشوفـه
هذي النهايه قلتها منـك مكسـوف ....ومن غيره الله مكتمل في وصوفـه
تبقى لكم ذكرى معي داخل الجـوف ....وتزورني في كـل لحظـه طيوفـه
يانوف هذا العذر والعـب مكشـوف.... (ماهو بعذر الـي يفـرك كفوفـه!)
صغت أعتذاري لك بكلمات وأحروف ....وارجوك قولـي ماعليكـم حسوفـه
إرسال تعليق